Јакимовски контра Мицкоски: 90 дена го држеа проектот, тие сами си го кочеа за да сега си кажува лаги дека го откочиле

Премиерот Христијан Мицкоски, министерката за образование и наука, Весна Јаневска, и градоначалникот на Општина Карпош, Сотир Лукровски, вчера беа во Oсновното училиште „Димо Хаџи Димов“ во населбата Влае каде се одвиваат градежни активности за изградба нова спортска сала.

Поранешниот градоначалник на Карпош, Стевчо Јакимовски на социјалните мрежи објави краток исечок од изјавата на Мицкоски во која премиерот вели дека овој објект добива своја физиономија, дека била заглавена изградбата и проектот самиот по себе.

„Не можам да се изначудам зошто овој човек има толкава патолошка потреба да лаже?

— реклама —

Проектот ниту бил заглавен, ниту тие го одглавувале. Повеќе наменска спортска сала Димо Хаџи Димов со 400 гледачи е проект изработен од мене уште во 2017та година.

Успешно е спроведена Јавна Набавка во Октомври и избран е економски оператор.

До утре 13 Февруари 2026та година, има точно 90 дена откако тој постави свој градоначалник во Општина Карпош.

— реклама —

90 дена го држеа проектот, тие сами си го кочеа за да сега си кажува лаги дека го откочиле.

Бидејќи има многу мерак да одговара на прашања, еве нека одговори: Во што бил проектот закочен и што тие откочиле?

Кога се кај откочувањето, што не си ја откочат градинката Мајски Цвет во Тафталиџе 1?

— реклама —

45 дена откако е завршена и не ја пуштаат во употреба.

Им се заблагодарува на советниците. Веројатно знае дека истиот овој проект токму неговите советници од Вмро-Дпмне не го гласаа.

И не знам на кој пратеник мисли, бидејќи од Карпош има двајца.

— реклама —

Ама кој и да е, заслуга за изградба на оваа сала има некој си пратеник, колку што има мојот шестмесечен внук“, вели Јакимовски.