Јанчев: И по гаснењето на пожарот во Раец, екипите остануваат на терен

Градоначалникот на Кавадарци, Митко Јанчев, информираше дека и покрај тоа што пожарот во селото Раец е целосно изгаснат, екипите на Територијалната противпожарна единица Кавадарци и понатаму остануваат на терен.

— реклама —

Според Јанчев, пожарникарите вршат редовни контроли на целото опожарено подрачје, со превентивни обиколки и внимателно следење на состојбата.

— реклама —

— реклама —

„Се проверуваат сите критични точки со цел навремено да се реагира доколку се појави повторно разгорување“, наведува Јанчев во објавата.

Тој додава дека безбедноста на граѓаните и спречувањето на појава на нови жаришта и понатаму остануваат највисок приоритет.