Апелациониот суд го одби барањето за повторно судење, но тоа не значи крај на правната битка, порача Јане Ченто, осуден за настаните од 27 април.
Тој оцени дека одлуката е „очекувана од систем што со години се штити сам себеси“, но нагласи дека постапката ќе продолжи со сите расположливи механизми.
„Ова не е крај. Ова е само уште еден доказ дека правдата тука не доаѓа сама, туку се освојува. Битката продолжува“, истакна Ченто.
Тој посочи дека очекува новиот јавен обвинител да постапи во наредниот период и да покаже дали, како што вели, „ќе има вистинска правда“.
„Следува период во кој многу работи ќе излезат на површина. Нема повлекување. Нема тишина. Нема заборав. Нема назад“, додава Ченто во реакцијата.
