Јане Ченто, еден од осудените за настаните во Собранието од 27 април 2017 година, повторно се огласи со порака дека нема да се откажат од барањето правда за случајот.
Во кусата објава, Ченто порачува дека случајот нема да биде заборавен и дека молчењето нема да стави крај на прашањата поврзани со пресудите за „27 Април“.
„‘27 Април’ нема да исчезне со молчење. Нема да се заборави. Ќе бараме правда додека не ја добиеме!“, порача Ченто.
Тој и во изминатиот период јавно бараше преиспитување на случајот и на пресудите за упадот во Собранието, за кој повеќе лица добија долгогодишни затворски казни.
Пораката доаѓа во период кога повторно се актуализираат прашањата за судските постапки и пресудите во предмети од висок јавен интерес, особено по последните одлуки на Врховниот суд со кои беа укинати пресуди во други случаи и предметите беа вратени на повторно одлучување.
