„Каде беше државата за нас?“ – Јане Ченто реагираше за случајот со Ива Михаилова

Јане Ченто реагираше на случајот со Ива Михаилова, која ја напуштила Македонија и заминала во Бугарија, и направи споредба со сопственото искуство, наведувајќи дека тој и неговите блиски поминале низ осум години неправда, притвори, затвори и понижувања.

Во објавата Ченто посочува дека во случајот со Михаилова се зборува за нејзините права, заштита, безбедност и достоинство, а прашува зошто, според него, таква грижа немало за нив.

— реклама —

„Каде беше тогаш државата да се грижи за нашите права? Каде беа институциите да го заштитат нашето достоинство? Кој се запраша за нашите деца, родители?“, прашува Ченто.

Тој нагласува дека не бара сожалување или привилегии, туку одговорност за она што, како што наведува, го преживеале.

— реклама —

— реклама —

„Најголемата неправда не е само кога државата ќе ти ја одземе слободата, туку кога ќе ти одземе осум години од животот, а потоа ќе се однесува како ништо да не се случило“, наведува Ченто.

Тој додава дека изгубените години не можат да им бидат вратени, но оти одговорноста за нив не смее да се избрише. Според него, дел од институциите се однесуваат како ништо да не се случило, што го оценува како срамно.

„Тоа е суштината и тоа е мојата борба за правда“, порачува Ченто.