Министерката за образование и наука Весна Јаневска ги отфрли обвинувањата дека Министерството ги крие бодовите и резултатите од приемот на студенти во студентските домови.
Јаневска тврди дека приемот во студентските домови се спроведува по регуларен пат, а студентите кои не биле примени, според неа, не ги исполнувале условите предвидени со огласот.
Таа посочи дека критериумите за прием се јавно објавени во огласот и дека кандидатите однапред биле запознаени со условите што треба да ги исполнат.
