Околу 30 ученици во текот на минатиот и овој месец заминале да ја претставуваат Македонија на меѓународни научни олимпијади, а сите трошоци за нивното учество ги покриваат Министерството за образование и наука и Владата.
Ова го соопшти министерката за образование и наука Весна Јаневска, истакнувајќи дека учениците и нивните семејства нема да имаат финансиски товар за патувањата и котизациите.
„Министерството за образование и наука и Владата втора година по ред целосно ги финансираат овие учества. Така ќе биде и понатаму. Нашите таленти заслужуваат целосна поддршка за да напредуваат, да ги развиваат своите знаења и да покажат дека Македонија има млади луѓе кои рамноправно се натпреваруваат со најдобрите во светот“, порача Јаневска во објава на Фејсбук.
