Јапонски навивач стана вирален по емотивната реакција на поразот на својата репрезентација

Бразилската фудбалска репрезентација во драматична завршница ја совлада Јапонија и обезбеди пласман во осминафиналето на Светското првенство, оставајќи ги јапонските фудбалери и навивачи во неверување по болната елиминација.

— реклама —

Победничкиот погодок за Бразил го постигна Габриел Мартинели во судиското продолжение, со што ги урна надежите на Јапонците, кои беа на чекор до големо изненадување.

По последниот судиски свиреж, јапонските репрезентативци разочарано останаа на тревникот, а силни емоции не можеа да сокријат ниту навивачите на трибините. Додека на едната страна од стадионот следуваше големо славје на бразилските навивачи, на другата владееја шок и солзи.

— реклама —

Особено внимание привлече реакцијата на еден јапонски навивач, кој во солзи и очај се држеше за главата. Сцената брзо стана вирална на социјалните мрежи, а дополнително внимание предизвикаа и бразилските навивачи, кои се обидуваа да го утешат, обвиткувајќи го со бразилски знамиња.

— реклама —

По натпреварот, бразилскиот селектор Карло Анчелоти истакна дека неговата репрезентација не ја загубила трпеливоста и ја пофали Јапонија како исклучително тежок противник.

Јапонскиот селектор Хајиме Моријасу, иако видно разочаран, порача дека е горд на своите фудбалери и нагласи дека овој пораз ќе биде важно искуство за иднината.