Во Министерството за правда денеска беше извршено примопредавање на министерската функција, при што новоименуваниот министер Јетон Шасивари ја презеде должноста од својот претходник Игор Филков.
По преземањето на функцијата, Шасивари порача дека ќе работи одговорно, посветено и транспарентно, со приоритет на унапредување на владеењето на правото, зајакнување на независноста и ефикасноста на правосудниот систем, како и враќање на довербата на граѓаните во правосудството.
Тој истакна дека ќе продолжи со спроведување на реформите во согласност со стратешките определби на Владата и европската агенда на државата.
„Министерството за правда ќе остане отворена и професионална институција, посветена на интересите на граѓаните, владеењето на правото и обезбедувањето ефикасен, праведен и достапен правосуден систем“, изјави министерот за правда Јетон Шасивари.
