Јотова победи на претседателските избори во Бугарија: „Господине Радев, без вас немаше да успееме“

Илијана Јотова, по победата во вториот круг од претседателските избори во Бугарија, порача дека нејзиниот мандат ќе биде насочен кон соработка и дијалог со сите политички партии. Таа им се заблагодари на гласачите за укажаната доверба, како и на политичките субјекти што ја поддржаа нејзината кандидатура.

— реклама —

На првата прес-конференција по изборите, Јотова упати посебна благодарност до премиерот Румен Радев, кој беше покрај неа, истакнувајќи дека неговата поддршка била значајна за изборниот успех.

„Господине Радев, без вас немаше да успееме“, рече Јотова, заблагодарувајќи им се и на „Прогресивна Бугарија“, Бугарската социјалистичка партија, другите партии и граѓаните што гласале за неа.

— реклама —

Таа оцени дека во текот на кампањата се фокусирала на прашањата за животниот стандард и мирот, додека на противкандидатот Андреј Ѓуров му забележа за, како што рече, агресивната реторика.

— реклама —

Јотова соопшти и дека Ѓуров ѝ се јавил телефонски за да ѝ ја честита победата, при што ѝ посакал да биде достоен претседател. Таа изрази уверување дека ќе успее да воспостави комуникација и соработка со сите политички чинители.

Кандидатот за потпретседател Кирил Валчев најави дека во неговата работа приоритет ќе бидат Бугарите што живеат во странство, младите и европската перспектива на Бугарија.

— реклама —

Според првичните изборни резултати, Јотова освоила убедлива предност пред Ѓуров и е на пат да стане првата жена претседател на Бугарија.