Јавното претпријатие „Градски паркинг“ – Скопје ги информира граѓаните дека започна летниот режим на работа на јавните површини наменети за зонско паркирање со кои стопанисува претпријатието.
Согласно новото работно време, зоните А, Б, Ц и Д ќе функционираат од понеделник до сабота во периодот од 7:00 до 23:00 часот.
Од претпријатието апелираат до корисниците на услугите навремено да извршат наплата на паркирањето и да внимаваат на важечкото работно време, со цел да избегнат евентуални санкции.
Летниот режим на зонско паркирање е во функција во текот на летната сезона и предвидува продолжено работно време во однос на зимскиот период.
