ЈП „Охридски комуналец“ интензивно работи на одржување на јавната чистота и зеленилото во градот

Теренските екипи на ЈП „Охридски комуналец“ продолжуваат со активности за одржување на јавната чистота и уредување на зеленилото на повеќе локации во Охрид.

— реклама —

Специјално внимание се посветува на крајбрежниот појас, каде се подигнува тешко разградлив отпад од локалитетите Сараиште, Канео со Мостот на желбите, Лабино, Градска плажа, до населба Даљан и Холандски Парк. Патеките и околниот шумски дел околу основното училиште „Климент Охридски“ се темелно исчистени, а на улицата „Железничка“ се отстранети наноси од земја и песок, ниска дива вегетација и расфрлани отпадоци.

— реклама —

Покрај тоа, се врши уредување на крошните на дрвјата по улицата „АСНОМ“ за непречено движење на пешаци и возила, кроење на дрвја по улицата „Кеј Македонија“ по добиено решение, како и постапување со паднати дрвја од невреме на јавни површини.

— реклама —

ЈП „Охридски комуналец“ апелира до граѓаните за соработка во одржувањето на чистотата и зачувување на јавните зелени површини.

— реклама —