Јужна Кореја обезбеди залихи од 273 милиони барели сурова нафта преку снабдувачки правци што не се погодени од можната американска блокада на Ормутскиот теснец, потврди висок владин претставник.
Станува збор за количина доволна да ги покрие потребите на земјата за повеќе од три месеци, што претставува значајна мерка за стабилизација во услови на зголемени геополитички тензии.
Информацијата ја соопшти Канг Хун-сик, шеф на кабинетот на претседателот, по враќањето од службена турнеја во Казахстан, Оман, Саудиска Арабија и Катар.
„Со посетите на овие четири земји обезбедивме увоз од 273 милиони барели сурова нафта до крајот на оваа година“, изјави тој, нагласувајќи дека договорите се дел од стратегијата за енергетска сигурност.
