Кај поранешната касарна во Битола пронајдени над 1.400 неексплодирани гранати и бомби од Првата светска војна

Голема количина неексплодирани убојни средства од Првата светска војна е пронајдена и безбедно отстранета на локалитетот Тумбе кафе, кај поранешната касарна во Битола.

— реклама —

— реклама —

Од Министерството за внатрешни работи информираат дека на 8 јули 2026 година, во 10:38 часот, пиротехничар од Дирекцијата за заштита и спасување – Битола пријавил дека на оваа локација биле пронајдени и безбедно подигнати 540 минофрлачки гранати, 371 рачна бомба и 532 тромблонски гранати, кои потекнуваат од Првата светска војна.

— реклама —

— реклама —

Експлозивните средства биле безбедно отстранети од теренот, а надлежните институции апелираат граѓаните, доколку забележат сомнителни убојни средства, да не ги допираат, туку веднаш да ги пријават во полиција или во Дирекцијата за заштита и спасување.