Поради тековни сообраќајни мерки, тешките моторни возила се пренасочуваат на релацијата од БП Дизел-Стенковец кон граничниот премин Блаце. Надлежните апелираат возачите да ја почитуваат поставената сигнализација и насоките од службите на терен.
Сообраќајот на државните патишта низ земјата се одвива непречено и по суви коловози. Интензитетот на сообраќај надвор од градските средини е умерен, а на граничните премини од македонска страна нема подолги задржувања за влез и излез од државата.
Од АМСМ потсетуваат дека од 15 ноември 2025 година е во сила законската обврска за задолжително поседување зимска опрема во возилата, без оглед на временските услови, а мерката ќе трае до 15 март 2026 година.
Се препорачува прилагодена брзина на движење и внимателно управување, особено на делниците низ котлини, речни долини и клисури, каде постои можност од појава на одрони, како што се патните правци Катланово – Велес, Маврово – Дебар – Струга, Виница – Берово и Кочани – Делчево.
Воедно, патниот правец Охрид – Ресен преку Националниот парк Галичица останува затворен за сообраќај за сите видови возила во периодот од 21 ноември 2025 до 31 март 2026 година, согласно сезонскиот режим на сообраќај.
