Кандидат на ВМРО-ДПМНЕ за градоначалник на Општина Брвеница ќе биде Стојанчо Радичевски

ВМРО-ДПМНЕ го избра Стојанчо Радичевски за кандидат за градоначалник на Општина Брвеница на претстојните вонредни локални избори.

— реклама —

Од партијата соопштија дека Радичевски едногласно бил избран на редовна седница на Извршниот комитет. Тој е актуелен претседател на Општинскиот комитет на ВМРО-ДПМНЕ во Брвеница.

— реклама —

Радичевски дипломирал на Правниот факултет „Јустинијан Први“ и е магистер по граѓанско право.

— реклама —

Од ВМРО-ДПМНЕ велат дека очекуваат обединување на, како што наведуваат, сите прогресивни сили и поддршка за нивниот кандидат, кој го оценуваат како чесно и искрено решение за напредокот и иднината на Општина Брвеница.

„ВМРО-ДПМНЕ оди на убедлива победа за подобра Брвеница“, порачаа од партијата.