Карлос Алкараз се повлече и од Вимблдон, фановите загрижени по новата фотографија

Иако годината ја започна со освојување на Австралија опен, Карлос Алкараз во моментов е надвор од терените поради проблеми со повреда, поради што мораше да се повлече и од Ролан Гарос, а сега и од Вимблдон.

Шпанскиот тенисер потврди дека нема да настапи ниту на турнирот во Квинс, ниту на Вимблдон – два турнири на кои во кариерата имаше големи успеси.

— реклама —

„Моето закрепнување оди добро и се чувствувам многу подобро, но за жал сè уште не сум подготвен да играм и затоа морам да се повлечам од турнирот на трева во Квинс и од Вимблдон. Тоа се два многу посебни турнири за мене и многу ќе ми недостигаат. Продолжуваме да работиме за што побрзо да се вратам“, напиша Алкараз на социјалните мрежи.

— реклама —

Во меѓувреме, Алкараз бил забележан во родната Мурсија од кошаркарот Дилан Енис, поранешен играч на Црвена звезда, кој објави фотографија со тенисерот.

На фотографијата се гледа дека Шпанецот пуштил подолга коса и брада, а изгледал значително поопуштено и далеку од вообичаениот спортски имиџ.

— реклама —

Сепак, Алкараз бил расположен и насмеан, а Енис оставил и порака под објавата:

„Никогаш не знаеш на кого можеш да налеташ по улиците на Мурсија. Толку скромен човек. Брзо закрепнување“, напиша Енис.

View this post on Instagram