Катар тврди дека договорот меѓу САД и Иран е сè поблиску

Напорите за решавање на конфликтот меѓу САД и Иран се во напредна фаза, а меѓу двете страни веќе се разменуваат нацрти на можен договор, изјави портпаролот на катарското Министерство за надворешни работи, Маџед ал-Ансари.

— реклама —

Тој посочи дека Катар и Оман продолжуваат да посредуваат меѓу Вашингтон и Техеран, иако засега нема директни разговори меѓу двете земји.

— реклама —

„Веќе е подготвен текст на можен договор и во моментов се доставува до двете страни“, изјави Ал-Ансари, додавајќи дека главната цел е САД и Иран повторно да седнат на преговарачка маса.

— реклама —

И покрај дипломатските напори, тензиите во Ормускиот Теснец и натаму се високи. Воениот советник на иранскиот врховен лидер, Мохсен Резаи, предупреди дека Иран нема да дозволи американска блокада на неговиот извоз и дека би можел да реагира доколку американски воени бродови користат пловни рути што Техеран не ги одобрил.

Во меѓувреме, американскиот министер за финансии, Скот Бесент, изјави дека договор за повторно воспоставување на пловидбата низ Ормускиот Теснец би можел да биде постигнат веќе денеска или утре. Сепак, според аналитичката компанија „Кплер“, низ теснецот и натаму минуваат само неколку бродови дневно, а конечен договор сè уште не е постигнат.