Кина ги повика САД и Иран да го почитуваат примирјето

Кина ги повика САД и Иран да ги „почитуваат своите обврски“ во врска со сè покревкото примирје меѓу двете страни.

— реклама —

Повикот доаѓа откако американската војска соопшти дека вчера извела напади „во самоодбрана“ на повеќе локации во јужен Иран. Од иранска страна, пак, беше порачано дека Техеран го задржува правото да одговори на секое прекршување на примирјето, кое е во сила од почетокот на април.

— реклама —

— реклама —

Портпаролката на кинеското Министерство за надворешни работи, Мао Нинг, изјави дека сите засегнати страни треба да покажат воздржаност и да продолжат со дипломатските напори.

„Ги повикуваме релевантните страни да ги почитуваат своите обврски поврзани со примирјето, споровите да ги решаваат по мирен пат и да продолжат да бараат решение преку дијалог и преговори, кои ќе ги земат предвид легитимните интереси на сите страни“, изјави Мао Нинг.