Ќе се испитува мостот на Вардар кај Здуње – можни кратки прекини на сообраќајот на патот Гостивар–Кичево

Сообраќајот на државните патишта во земјава се одвива непречено и по суви коловози, информираат од Авто мото сојузот на Македонија (АМСМ).

— реклама —

Оттаму известуваат дека денеска, 13 март, во периодот од 09:00 до 12:00 часот ќе се врши испитување на мостот на реката Вардар кај селото Здуње, на државниот пат А2 Гостивар – Кичево. Во тој период сообраќајот ќе се одвива според воспоставен времен режим, со можни кратки прекини.

— реклама —

Интензитетот на сообраќајот на патните правци надвор од градските средини е умерен, а на граничните премини од македонска страна засега нема подолги задржувања за влез и излез од државата.

Од АМСМ потсетуваат дека законската обврска за задолжително поседување зимска опрема во возилата важи до 15 март, без оглед на моменталните временски услови.

— реклама —

Воедно, на возачите им се препорачува прилагодена брзина и внимателно управување со возилата, особено на делниците низ клисури и речни долини каде е можна појава на одрони, како што се Катланово – Велес, Маврово – Дебар – Струга, Виница – Берово и Кочани – Делчево.

— реклама —

Патниот правец Охрид – Ресен преку Националниот парк Галичица, пак, останува затворен за сообраќај за сите видови возила во периодот од 21 ноември 2025 до 31 март 2026 година.