„Ќе те соблечам и силувам пред сите“ – потресно сведоштво на студентка за полициска тортура

Народното движење на Србија (НПС) побара итна смена на командантот на Единицата за обезбедување на одредени лица и објекти (ЈЗО) Марко Кричак, поради, како што наведуваат, брутално малтретирање на граѓани по протестите во Белград.

— реклама —

Студентката Николина Синѓелиќ за Н1 Србија изјави дека во четвртокот навечер, таа и колегата Стеван Здравковиќ биле одведени во гаражата на Владата на Србија од припадници на ЈЗО, полицијата и маскирани мажи. Таму, вели таа, Кричак ја шамарал, ја удирал со глава во ѕид и ѝ се заканувал дека ќе ја „соблече и силува пред сите“.

— реклама —

— реклама —

„Ме нарекуваа ‘курво, ти нè снимаш’. Ми ја одзедоа камерата, го скршија телефонот и ме тераа да лежам на подот како криминалец. Кричак ми рече дека треба да го замолам да престане да ме тепа“, изјави студентката.

— реклама —

НПС тврди дека на Здравковиќ му биле уништени мобилните телефони, а двајцата биле држени три часа во гаражата пред да бидат префрлени во полициска станица.