Клиничката болница во Тетово ќе добие нова инфектологија, онкологија и гинекологија

Министерот за здравство Сашо Клековски денеска го претстави концептот за целосна реконструкција, проширување и модернизација на Клиничката болница во Тетово, во рамки на посета со делегации од Светска банка и Европската инвестициска банка.

— реклама —

На средбата присуствувале градоначалникот на Тетово, Билал Касами, директорот на Клиничката болница, д-р Ерзен Елези, директорот на Фондот за здравствено осигурување, Златко Перински, како и претставници на Министерството за здравство.

— реклама —

Според презентираниот концепт, предвидена е целосна реконструкција и модернизација на хируршкиот и интернистичкиот блок, изградба на нов павилјон за инфектологија, онкологија, хематологија и психијатрија, како и современ објект за гинекологија, акушерство и неонатологија.

Со проектот треба да се подобрат условите за лекување на пациентите и работата на здравствените работници, а граѓаните да добијат поголем број здравствени услуги во својот регион.

— реклама —

Во рамки на посетата, Клековски го обиколи и Одделот за онкологија, кој во моментов се проширува и се подготвува за прием на поголем број пациенти.

Министерот порача дека целта е создавање посилно и рамномерно развиено регионално здравство, со современи услови за лекување во сите делови на државата.