(Видео) По снимките што се шират на „Тикток“ од Тетово, полицијата објасни што се случило

Неколку малолетници во Тетово се обиделе да им пристапат на две 11-годишни деца за да проверат дали на нивната облека има обележја на навивачка група, но по реакција на случајни минувачи, не дошло до физички контакт, соопшти Секторот за внатрешни работи Тетово.

— реклама —

Полицијата се огласи по видеоматеријалите што се проширија на социјалните мрежи и предизвикаа реакции во јавноста, појаснувајќи дека снимките што се споделуваат во дел од медиумите не се од синоќешниот инцидент.

— реклама —

„Според информациите на СВР Тетово, синоќа неколку малолетници се обиделе да пристапат до две 11-годишни малолетни лица со намера да проверат дали нивната облека содржи обележја на навивачка група, при што изреагирале случајни минувачи и не дошло до каков било физички контакт“, наведуваат од полицијата.

Од СВР Тетово нагласуваат дека видеата што се шират на социјалните мрежи потекнуваат од други, претходни настани и не го прикажуваат инцидентот што се случил синоќа. Инаку еден од профилите е потпишан како „каурски пи**и“.

— реклама —

Полициските службеници преземаат мерки за идентификување на сите инволвирани малолетници и целосно расчистување на случајот, со посебен акцент на спречување меѓуетничка, меѓунационална и спортска нетрпеливост меѓу младите.

Полицијата апелира до граѓаните и медиумите да не споделуваат непроверени снимки и информации што можат дополнително да предизвикаат вознемиреност во јавноста.

„Петмина тепаат едно дете и снимаат“: Вознемирувачко сведоштво од Тетово

Пет малолетници на возраст од околу 13 и 14 години, според тврдењата на родител, пресретнале две 11-годишни деца во центарот на Тетово, ги фатиле за врат и се обидувале да им ги соблечат јакните за да проверат дали носат облека со ознаки на навивачката група „Војводи“. Инцидентот, како што наведува родителот, се случил додека децата оделе на тренинг.За случајот јавно алармираше Дарко Гавро, кој во објава во фејсбук-групата „Го љубим Тетово“ тврди дека неговиот син и уште едно дете биле малтретир

Коментари | пред 1 ден