„Петмина тепаат едно дете и снимаат“: Вознемирувачко сведоштво од Тетово

Пет малолетници на возраст од околу 13 и 14 години, според тврдењата на родител, пресретнале две 11-годишни деца во центарот на Тетово, ги фатиле за врат и се обидувале да им ги соблечат јакните за да проверат дали носат облека со ознаки на навивачката група „Војводи“. Инцидентот, како што наведува родителот, се случил додека децата оделе на тренинг.

За случајот јавно алармираше Дарко Гавро, кој во објава во фејсбук-групата „Го љубим Тетово“ тврди дека неговиот син и уште едно дете биле малтретирани во близина на слаткарницата „Геопико“ и објектот „Наше дете“.

— реклама —

Според неговото сведоштво, децата биле на пат кон Спортскиот центар, каде што требало да присуствуваат на тренинг во детскиот клуб „Фит Кид“, кога биле запрени од групата малолетници.

„Ги фатиле за гуша и да им ги соблекуваат јакните да видат дали се ‘Војводи’“, напиша родителот.

— реклама —

Тој тврди дека еден од малолетниците го снимал инцидентот со мобилен телефон, а според информациите што ги добил, снимката била наменета за посебна група на ТикТок, во која, како што наведува, се објавувале видеа од тепачки низ Тетово.

Родителот посочува дека случајот бил пријавен во полиција и дека неговата сопруга заминала да даде изјава.

Во објавата тој предупредува дека не станува збор за изолиран инцидент, туку дека има сознанија и за други случаи на малтретирање деца, при што на малолетници им биле соблекувани јакни и тренерки.

— реклама —

„Полицијата молчи. Сите знаат и со страв ги пуштаат децата на улица“, наведува Гавро, барајќи засилено полициско присуство и патроли низ Тетово.

Тој јавно апелира и до надлежните за малолетничка деликвенција да ги испитаат ваквите случаи, предупредувајќи дека групното малтретирање деца станува сериозен проблем.

Засега информациите за околностите на инцидентот се темелат на јавното сведоштво на родителот, а нема официјална потврда од МВР за пријавата и наводите за организирано снимање и објавување на вакви инциденти.

(Видео) „Го подавале како топка, го држеле до дрво додека го удирале со боксирач“ - потресно сведоштво на мајката чие дете е натепано во Влае

„Ако пријавиш, мамо, повторно ќе се случи истото.“ Со овие зборови 13-годишното момче од Ѓорче Петров, кое беше претепано од група малолетници во скопската населба Влае, ја молело својата мајка да не оди во полиција. Таа пред камерата на „Скопје1“ раскажа дека детето и се вратило дома со скршени заби, модринки, отоци и повреди на главата.Во потресно сведоштво за „Скопје1“, мајката раскажува што се случувало ноќта на 18 октомври на плоштадот „Делфина“, каде што нејзиниот син бил нападнат од група

Македонија | пред 3 дена