Кочанчанец успеал да избега од полициската станица во Кочани, откако претходно бил приведен поради поседување бела прашкаста материја.
Според првичните информации, станува збор за лицето А.Л., кое вчеравечер околу 20 часот избегало преку прозорец од полициската станица.
Тој бил уапсен на 9 јули, неколку минути пред полноќ, при рутинска полициска контрола, кога кај него била пронајдена бела прашкаста материја.
По неговото бегство, полицијата презема мерки за негово пронаоѓање, а се очекуваат и официјални информации од Министерството за внатрешни работи за околностите под кои успеал да избега од полициските простории.
