Кокаин пронајден кај 23-годишник од Охрид

Неколку паковки со кокаин биле пронајдени кај 23-годишен жител на Охрид при полициска контрола на локалниот пат во селото Радолишта, Струшко.

— реклама —

Од МВР информираат дека денеска, 2 октомври 2026 година, во 00:15 часот, мобилниот тим „Task Force“ при Регионалниот центар за гранични работи „Запад“-Охрид извршил преглед на лицето Е.М. (23) од Охрид.

— реклама —

— реклама —

При прегледот биле пронајдени неколку паковки со кокаин. За случајот бил известен јавен обвинител од Основното јавно обвинителство Струга.

Од Регионалниот центар за гранични работи „Запад“-Охрид најавија дека против лицето ќе биде поднесена соодветна кривична пријава.