Сообраќајот на државните патишта се одвива непречено и по суви коловози, но интензитетот надвор од градските средини е зголемен, информира АМСМ.
На граничниот премин Табановце, и за влез и за излез од државата, времето на чекање е околу 40 минути.
На граничниот премин Богородица, за излез од државата, задржувањето е околу 30 минути.
На останатите гранични премини, според АМСМ, нема подолги задржувања за влез и излез од Македонија.
Од АМСМ препорачуваат возачите да ја приспособат брзината на условите на патот, да ја почитуваат поставената сообраќајна сигнализација и да возат внимателно.
Посебно внимание се препорачува на патиштата низ котлините, речните долини и клисурите, каде што постои можност за појава на одрони.
Како покритични делници се посочуваат Катланово – Велес, Маврово – Дебар – Струга, Виница – Берово и Кочани – Делчево.
