Промени тема
Контакт
Најнова епизода Сведоштва за полициско шамарање во Охрид: Едниот натепан на паркинг, малолетник во нива | Претрес Гледај на LANDOV.MK

Комерцијална банка ќе наддава за 95 отсто од акциите на Алта банка

Скопје1.мк's avatar
Автор: Скопје1.мк

објавено пред 23 минути -

Македонија
media-libraryhom6kc2rghch2AMXj6e

Комерцијална банка АД Скопје одлучи да учествува на јавната берзанска аукција за купување 95,336 проценти од акциите на Алта банка АД Битола. Намерата за учество е објавена преку СЕИ Нет, системот за известување на котираните друштва на Македонската берза.

— реклама —

На продажба се 372.742 обични акции во сопственост на Алта банка АД Белград, која е во стечај. Пакетот ќе се продава по моделот „сè или ништо“, што значи дека заинтересираниот купувач ќе мора да ги преземе сите понудени акции.

— реклама —

Првата јавна берзанска аукција е закажана за 30 ноември, со почетна цена од 3.777 денари по акција. Тоа значи дека целиот пакет ќе биде понуден за 1,408 милијарди денари, односно околу 22,9 милиони евра.

Доколку акциите не бидат продадени на првата аукција, дополнителни наддавања се предвидени за 1, 2, 3, 4 и 7 декември. Почетната цена на секоја следна аукција ќе биде намалена за 10 проценти во однос на цената на претходната.

— реклама —

Заинтересираните инвеститори имаат рок до 19 ноември да поднесат барање до Народната банка за добивање претходна согласност за стекнување квалификувано учество, како и писмена изјава дека ќе ги обезбедат средствата за купување на акциите.

— реклама —

Со продажбата на мнозинскиот пакет, Народната банка настојува да обезбеди нов сопственик и услови за стабилно продолжување на работењето на битолската банка.

Сподели

Сподели
Сподели
Сподели
Сподели
Сподели
Сподели
Сподели како слика
Google Постави го Скопје1 за твој Google извор
Согласност за колачиња (cookies)

Нашата веб-страница користи колачиња за подобрување на корисничкото искуство и анализа на сообраќајот.

Дознај ексклузивно и прв

Прв ќе ги дознаваш ударните и вонредните случувања