Конгресот не го усвои Законот за спас на Америка, Трамп се закани со блокада на владата

Американскиот претседател Доналд Трамп повторно изрази незадоволство што Конгресот не го усвоил таканаречениот Закон за спас на Америка (SAVE America Act), со кој како услов за регистрација на гласачи би се вовел доказ за државјанство. Предлог-законот заглави во Сенатот, а Трамп порача дека „не е среќен што тоа стои“ и дека „на сите им го ставил до знаење“, пишува NBC News.

— реклама —

Тој отиде и чекор понатаму, заканувајќи се со блокада на работата на федералната влада доколку законот не стигне на неговата маса за потпис. „Поради тоа би ја блокирал владата“, изјави Трамп. „За мене тоа е прашање на основно убедување.“

— реклама —

Во врска со републиканските предизбори за Сенатот во Тексас, Трамп не откри кого ќе поддржи во трката меѓу сенаторот Џон Корнин и државниот обвинител Кен Пакстон. Сепак, нагласи дека Пакстон го поддржува споменатиот Закон за спас на Америка, но истовремено упати пофалби и кон Корнин.

— реклама —

„Корнин е многу потценет. Му предвидуваа пораз од 10 процентни поени, а тој победи. Тој е добар човек“, рече Трамп.

— реклама —

Бидејќи ниту еден од трите главни кандидати во првиот круг не освои мнозинство гласови, Корнин и Пакстон ќе се соочат во вториот круг на изборите во мај.