Косовски државјанин приведен кај Блаце, превезувал брендирана стока без документација

Косовски државјанин е лишен од слобода откако во неговото товарно возило била пронајдена поголема количина брендирана и разновидна стока за која не поседувал соодветна документација.

— реклама —

Како што информира Министерството за внатрешни работи, на 7 јуни, во 19:15 часот, на патниот правец од граничниот премин Блаце кон Скопје, во близина на тунелот „Блаце“, полициски службеници од Мобилната единица за компензаторни мерки при Одделот за гранични работи и миграции го лишиле од слобода Р.Ш. (42) од Косово.

— реклама —

При извршениот преглед на товарното возило „Фолксваген транспортер“ со косовски национални ознаки, кое го управувал, била откриена поголема количина брендирана и друга стока за која не била приложена никаква документација.

— реклама —

Според МВР, поради постоење основи на сомнение за сторени кривични дела предвидени во членовите 278 и 278-а од Кривичниот законик, лицето било задржано во полициска станица, а стоката е одземена.

— реклама —

По целосното расчистување и документирање на случајот, против него ќе биде поднесена соодветна кривична пријава.