Косовски државјанин возел 203 километри на час кај Смоквица

Министерство за внатрешни работи соопшти дека косовски државјанин бил лишен од слобода откако управувал возило со брзина од 203 километри на час на автопатот А1 кај клучката Смоквица, на делница каде максимално дозволената брзина е 120 километри на час.

— реклама —

Според информациите од МВР, на 18 мај околу 22:18 часот, полициски службеници од СВР Струмица – ОВР Гевгелија при сообраќајна контрола со радар го сопреле Б.Т.(30) од Косово.

— реклама —

Тој управувал патничко возило „ауди а6“ со косовски регистарски ознаки.

— реклама —

Возачот бил исклучен од сообраќај, а за случајот бил известен јавен обвинител од Основното јавно обвинителство во Гевгелија.

Против него е поднесена кривична пријава по член 297-а од Кривичниот законик за „безобѕирно управување со моторно возило“.