„Кожувчанка“: Водата за Гостивар ја понудивме за 12,5 денари, разликата во цената ја преземаме на наш товар

Компанијата „Кожувчанка“ преку соопштение ги отфрли, како што наведува, обвинувањата на СДСМ поврзани со набавката на флаширана вода за потребите на Општина Гостивар.

— реклама —

Од компанијата посочуваат дека учествувале на јавниот повик на владините служби и доставиле понуда од 12,5 денари по шише, што, како што велат, е значително пониско од редовната продажна цена од 25 денари.

— реклама —

— реклама —

„Разликата помеѓу редовната продажна цена и понудената цена за оваа набавка компанијата целосно ја презема на свој товар, како наш гест на општествена одговорност, солидарност и филантропија“, наведуваат од „Кожувчанка“.

Во соопштението се додава дека компанијата ќе го обезбеди и бесплатниот транспорт на водата до Општина Гостивар, со цел таа навремено да им биде доставена на граѓаните.

Од „Кожувчанка“ нагласуваат дека во вакви околности најважна е солидарноста, а не профитот, додавајќи дека и во иднина ќе продолжат да помагаат таму каде што поддршката е најпотребна.