Полицијата трага по сторител кој извршил кражба во Соборниот храм во Гостивар, при што од касата во просторијата за продажба на цвеќе биле одземени 3.500 денари.
Од СВР Тетово информираат дека на 9 јули во 15:25 часот во Полициската станица Гостивар, 45-годишниот С.Ѓ. од Гостивар пријавил дека во текот на денот непознато лице извршило кражба во Соборниот храм на улицата „Илинденска“.
Според пријавата, сторителот влегол преку отворена врата во просторијата за продажба на цвеќе, која се наоѓа во рамки на црквата, и од касата противправно одзел 3.500 денари.
Од полицијата велат дека се преземаат мерки и активности за пронаоѓање на сторителот и целосно расчистување на случајот.
