Криста Пајк одбила последен оброк пред неуспешната егзекуција, побарала парите да им се дадат на бездомниците

Криста Пајк, осудена на смрт во американската сојузна држава Тенеси, го одбила последниот оброк пред двата неуспешни обиди да биде егзекутирана со смртоносна инјекција.

— реклама —

Наместо оброкот, таа побарала предвидените 20 долари да бидат искористени за купување храна за бездомници, објави „Њујорк тајмс“.

Егзекуцијата не се одвивала според планираното. Иако Пајк примила две смртоносни инјекции, таа прво се пожалила на болка во раката, по што ја изгубила свеста и почнала да 'рчи.

— реклама —

Таа веднаш била пренесена во локална болница. Според нејзините адвокати, Пајк и натаму е во несвест и е приклучена на респиратор.

— реклама —

По неуспешната егзекуција, гувернерот на Тенеси, Бил Ли, ги запрел егзекуциите до крајот на годината. Тој наредил независна истрага за да се утврди што точно се случило за време на извршувањето на смртната казна.

Лекарот Џоел Зивот, кој ја прегледал Пајк, изјавил дека таа боледува од тромбоцитоза, нарушување поврзано со зголемен број тромбоцити во крвта.

— реклама —

Според неговото објаснување, тромбоцитите можеле да создадат згрутчување кое го спречило смртоносниот лек пентобарбитал да се прошири низ организмот, што можело да спречи настапување на смртта.