Кривична за прилепчанец кој запали автомобил во Прилеп

Министерството за внатрешни работи соопшти дека е расчистен случајот со подметнување пожар на патничко возило во Прилеп, по што е поднесена кривична пријава против 34-годишен прилепчанец.

— реклама —

ОВР Прилеп до Основното јавно обвинителство во Прилеп поднесе кривична пријава против Д.В.(34) од Прилеп поради постоење основи на сомнение за сторено кривично дело „предизвикување општа опасност“ по член 288 од Кривичниот законик.

— реклама —

Според информациите од МВР, на 2 јуни годинава пријавениот со запалива течност предизвикал пожар на патничко возило „мазда“, сопственост на 48-годишниот М.А. од Прилеп. Во пожарот возилото било делумно опожарено.

— реклама —

Пожарот бил изгаснат од екипа на Територијалната противпожарна единица Прилеп, а по преземените оперативни мерки и активности, полициските службеници го пронашле и го лишиле од слобода осомничениот.

— реклама —

По одлука на судија на претходна постапка, на Д.В. му е определена мерка притвор, по што бил спроведен во Казнено-поправната установа Затвор Битола за издржување на мерката.