Крвава пресметка пред Универзитетот во Тетово: 20-годишник избоден со нож

Во физичка пресметка што се случила пред паркот на Универзитетот во Тетово, едно лице се здобило со убодни рани, а осомничениот е приведен од полицијата.

— реклама —

Според информациите од Министерството за внатрешни работи, на 20 јуни 2026 година околу 17:30 часот бил нарушен јавниот ред и мир со физичка пресметка помеѓу М.Д.(20) и Л.А.(26), двајцата од Тетово.

— реклама —

Во текот на инцидентот било употребено ладно оружје, при што Л.А. му нанел убодни рани на М.Д. Повредениот веднаш бил пренесен во Клиничката болница во Тетово, каде што му била укажана лекарска помош.

— реклама —

Полициските службеници кои го обезбедувале настанот веднаш интервенирале. На местото бил пронајден нож, а Л.А. бил лишен од слобода и задржан во полициска станица.

— реклама —

По целосното документирање на случајот, против него ќе биде поднесен соодветен поднесок.