Куба: Триесет и двајца наши државјани загинаа во американската акција за апсење на Мадуро

При вооружената акција и апсењето на венецуелскиот претседател Николас Мадуро, Куба тврди дека 32 нејзини државјани загинале во американската воена операција изведена на територијата на Венецуела. Хавана соопшти дека поради настанот се прогласуваат два дена на жалост.

— реклама —

Во изјавата на кубанските власти се наведува дека загинатите биле припадници на вооружените и разузнавачките структури на Куба, кои – како што беше нагласено – „херојски ја извршувале својата должност“. Според официјалната верзија на Хавана, дел од нив настрадале во директни борби со американските сили, а други за време на бомбардирање на објекти.

— реклама —

Иако Куба со години има клучна улога во обезбедувањето на Мадуро, не е објавено колку кубански припадници биле присутни во моментот на интервенцијата во Каракас, ниту дали дел од жртвите загинале на други локации во земјата.

— реклама —

Американските специјални сили го уапсија 63-годишниот Мадуро и неговата сопруга Силија Флорес во саботата, по што тие беа префрлени во САД. Венецуелскиот лидер се наоѓа во притвор во Њујорк и, според најавите, во понеделник треба да се појави пред федерален суд.

— реклама —

Мадуро веќе подолго време е обвинет во САД за „нарко-тероризам“, обвинувања што тој постојано ги отфрла.