Лавров: Трамп вели дека војната во Украина е на Бајден, но ја продолжува неговата политика

Сергеј Лавров ги обвини Соединетите Американски Држави дека се обидуваат да ги истиснат руските енергетски компании од светските пазари, вклучително и од Балканот и Африка.

— реклама —

Во интервју за RT India, Лавров изјави дека Вашингтон сака компании како Лукоил и Роснефт целосно да се повлечат од меѓународниот пазар.

— реклама —

„Се вложуваат напори ‘Лукоил’ и ‘Роснефт’ да бидат оттурнати од глобалните пазари, вклучително и од африканските и балканските пазари“, рече Лавров.

Тој додаде дека САД сакаат да воспостават контрола и врз транзитниот гасовод што преку Украина носи руски гас кон Европа.

— реклама —

Изјавите доаѓаат откако САД во октомври воведоа санкции против „Роснефт“ и „Лукоил“, со цел дополнителен притисок врз Кремљ за прекин на огнот во Украина.

— реклама —

Лавров го обвини и Доналд Трамп дека продолжува со политиките на поранешниот американски претседател Џо Бајден, и покрај тоа што јавно се дистанцира од војната во Украина.