Лажни дојави за бомби во училишта низ Хрватска, полицијата на терен

Лажни дојави за поставени бомби се примени во повеќе училишта низ Хрватска, меѓу кои Карловац, Пула, Шибеник, Сплит и Загреб, по што полицијата извршува превентивни проверки на објектите, а наставата е откажана.

— реклама —

Во четврток, нешто по 9 часот, на електронските адреси на Полициската управа во Карловац и на повеќе училишта од подрачјето на Карловачката жупанија пристигнала порака во која се наведува дека во образовните установи се поставени експлозивни направи, соопшти полицијата.

— реклама —

Полицијата веднаш упатила службеници на терен, кои во соработка со одговорните лица во училиштата спроведуваат проверка на објектите.

— реклама —

Слични дојави биле пријавени и во повеќе десетици училишта во Пула и Шибеник, додека претходно вакви пријави пристигнале и во училишта во Приморско-горанската жупанија.

— реклама —

Поради лажни дојави, во претходните денови наставата била откажана и во дел од средните училишта во Сплит, како и во училишта во Загреб и Дубровничко-неретванската жупанија.