ЛДП: Народна банка бара нов сопственик за Алта Банка, народот бара одговорност

Либерално-демократската партија (ЛДП) преку соопштение бара целосна финансиска ревизија и политичка одговорност за состојбата со „Алта банка“, откако Народната банка презеде мерки за воведување привремена администрација и започна да бара нов сопственик за банката.

— реклама —

Од партијата оценуваат дека банкарската криза е последица на, како што наведуваат, политички влијанија и сомнителни деловни зделки, за кои одговорност треба да понесат и претставниците на актуелната власт.

— реклама —

ЛДП ја обвинува Владата дека сега се повикува на независноста на институциите, додека граѓаните и компаниите се соочуваат со ограничувања во располагањето со сопствените средства и неизвесност околу нивната финансиска сигурност. Од партијата критикуваат и дека премиерот и министрите не даваат одговори за случувањата.

Според ЛДП, покрај барањето нов сопственик за банката, неопходни се пошироки промени во економските политики и утврдување на одговорноста за настанатата состојба.

— реклама —

Партијата бара итна и целосна финансиска ревизија, транспарентно објавување на сите финансиски текови поврзани со случајот и оставки од лицата за кои смета дека имале одговорност, а не реагирале навреме.

— реклама —

„Државата не е приватна играчка за забава на политички елити, а народот повеќе нема намера да ги плаќа туѓите економски бламажи со сопствениот опстанок“, порачуваат од ЛДП.