Лефков: Филипче да каже од кои пари е изградена милионската хациенда на Водно, и дали тие средства се поврзуваат со државни тендери

,,

Ова позади нас е хациендата на семјеството на Венко Филипче на Водно.

Од овде се гледа цело Скопје, а да се изгради овој објект на оваа локација потребни се 1 милион евра.

— реклама —

Овој објект е граден во ек на министерувањето на Филипче, кога тој управуваше со милиони евра во здравството.

Филипче мора да одговори како е градена оваа хациенда, како се стекнати парите за истата и дали истите се доведуваат во врска со тендери или друг вид работа со државата додека тој бил на функција. Филипче мора да одговори како се прави ваква хациенда со плата?

— реклама —

Филипче да не се обидува да користи изговори дека оваа хациенда е на името на неговата сопруга или нејзиниот татко. Тоа што истата е градена додека тој е министер говори доволно дека може да станува збор за потенцијално криење на имот на туѓо име.

— реклама —

ДКСК да отвори случај и да истражи како е финансирана оваа хациенда и дали парите се доведуваат во корелација со некој тендер или државна работа.

Очекуваме ДКСК да отвори истрага за овој имот на Филипче.”, вели Миле Лефков, пратеник и член на ИК на ВМРО-ДПМНЕ.