Пратеникот од ВМРО-ДПМНЕ, Миле Лефков, преку објава на социјалните мрежи упати критики кон претседателот на СДСМ, Венко Филипче, и, како што ги нарече, „лојалистите“.
Според Лефков, Филипче и неговите поддржувачи „се препознале“ во квалификацијата „талог на општеството“ и, како што наведува, продолжиле со „сеење омраза и поделби“.
„Што си мислат Венко и ‘лојалистите’ – дека можат да продаваат патетика дека се ‘згрозени’ од самопрепознавањето во ‘талогот на општеството’? Се препознаа и се залетаа уште посилно со сеење омраза и поделби – им смета надежта и успехот на државата“, напиша Лефков.
Тој посочи дека објавил и видео-коментар, за кој вели дека претставува потсетување на „речникот и стилот на Венко и ‘лојалистите’“, додавајќи дека „Филипче не мора да се замара“.
