„Левица не само што е руска партија туку и Македонија ја сака во БРИКС“, вели СДСМ

СДСМ преку соопштение ја обвини Левица за проруска политичка ориентација, откако лидерот на партијата Димитар Апасиев, заедно со Реџеп Исмаил-Хактан и Александар Симонов, учествувал на форум на БРИКС во Москва и остварил средби со претставници на Евроазиската економска унија и Руската унија на производители.

— реклама —

Од СДСМ реагираат дека со учеството на форумот и средбите во Москва, Левица ги покажува своите политички определби, посочувајќи дека во своето соопштение партијата зборува за интересот на Македонија да ги проширува дипломатските и економските односи кон новите глобални центри.

— реклама —

Од опозициската партија велат дека Левица зазема ставови против НАТО и Европската Унија, а го критикуваат и нејзиното учество на средбата со Генадиј Зјуганов, кого го опишуваат како личност на американската црна листа.

— реклама —

СДСМ ја обвинува Левица и за недоследност во однос на работничките права, тврдејќи дека партијата не гласала за предлогот за минимална плата од 600 евра. Во реакцијата се споменува и наводната политичка поврзаност меѓу Левица и владејачката структура предводена од Христијан Мицкоски.

Од СДСМ порачуваат дека иднината на Македонија ја гледаат во Европската Унија, со владеење на правото и независно европско обвинителство, а не во приближување кон БРИКС и Москва.