„Последни претања на Платформата – ЗНАМ 2.0 – од Левица до Црвенковски“, велат од СДСМ

СДСМ преку објава на социјалните мрежи упати остри критики до иницијативата за промени во партијата, обвинувајќи дека зад неа стојат политички и бизнис-интереси поврзани со ВМРО-ДПМНЕ, ЗНАМ и Левица. Од партијата тврдат дека станува збор за обид за создавање нов политички проект, кој го нарекуваат „ЗНАМ 2.0“.

— реклама —

Во реакцијата се споменува и поранешниот претседател на СДСМ, Бранко Црвенковски, за кого партијата тврди дека со години соработувал со ВМРО-ДПМНЕ и учествувал во создавањето на првичната верзија на ЗНАМ. СДСМ ја критикува платформата, оценувајќи дека нејзините барања за реформи се сведуваат на кадровски промени и ново лого.

Партијата изнесува и низа обвинувања за наводни финансиски и деловни поврзаности, тендери, банкарски зделки, рударски проекти и инвестиции во центри за податоци. Во реакцијата се споменуваат и Алта банка, како и наводни врски со српскиот претседател Александар Вучиќ. Овие тврдења се дел од партиското соопштение.

— реклама —

Од СДСМ тврдат дека иницијативата се активира во моменти кога партијата отвора прашања за овие случаи, а истовремено ја обвинуваат актуелната власт за обиди за политичко влијание и создавање алиби за нов политички субјект.

— реклама —

Во завршницата, СДСМ ги повика граѓаните и, како што наведува, чесните членови и поддржувачи на платформата да се приклучат кон нивната политичка иницијатива, наречена „Фронт за вистина и правда“, со цел заедничка борба против, како што ја квалификуваат, криминалната организација ВМРО.