Маѓар: Унгарија ќе започне нова политичка ера по победата над Орбан

Петер Маѓар изјави дека Унгарија започнува нова историска фаза по изборната победа над Виктор Орбан, нагласувајќи дека резултатите претставуваат „мандат каков што досега не е виден“.

— реклама —

На првата прес-конференција по изборите, тој изјави дека неговата партија обезбедила 138 од вкупно 199 пратенички места, иако дел од гласовите сè уште се пребројуваат.

— реклама —

Маѓар ја обвини досегашната власт за користење на „пропагандна машинерија“ и ширење дезинформации, тврдејќи дека државниот апарат бил ставен во служба на владејачката партија.

— реклама —

Тој порача дека очекува брз процес на транзиција на власта и го повика претседателот Тамаш Сујок да го свика новиот парламент без одложување и да му го довери мандатот за формирање влада.

— реклама —

Во своето обраќање, Маѓар оцени дека земјата под претходното раководство била сериозно економски и институционално ослабена, но најави дека неговата влада ќе работи во интерес на сите граѓани.