Магливо утро, сончеви периоди преку ден, викендот носи дожд и снег

Денес времето ќе биде променливо облачно со подолги сончеви периоди, а во претпладневните часови по одделни котлини се очекува појава на магла. Ќе дува слаб ветер од променлив правец. Минималните температури ќе се движат од -2 до 2 степени, додека максималните дневни ќе бидат во интервал од 6 до 10 степени.

— реклама —

— реклама —

Во Скопје се најавува променливо облачно време со сончеви периоди, а претпладне е можна појава на магла. Минималната температура ќе се спушти до -1 степен, а максималната ќе достигне до 7 степени.

— реклама —

— реклама —

Во наредните денови, до сабота, времето ќе остане променливо облачно со постепен пораст на дневните температури. По одделни котлини и понатаму ќе има магла. Од сабота кон крајот на денот се очекуваат локални врнежи од дожд, а на планините од снег. Пообилни врнежи се најавуваат за недела, особено во попладневните и ноќните часови, кога на повисоките места дождот ќе преминува во снег. Врнежите ќе продолжат и во понеделник.