Макрон: Европа и Франција се соочуваат со засилени руски хибридни закани

Францускиот претседател Емануел Макрон изјави дека Франција и Европа во последните недели се соочуваат со засилени руски хибридни закани. Тој ова го истакна по состанокот со лидерите на парламентарните партии во Франција.

— реклама —

Макрон оцени дека се менува и природата на руската агресија, при што како примери ги посочи нападот врз воз што сообраќа меѓу Полска и Украина, навлегувањето на беспилотни летала во воздушниот простор на соседни земји, како и спречениот напад врз аеродромот во Лајпциг.

— реклама —

„Во последните недели се зголеми заканата со која се соочуваат Европа и Франција, а тоа особено се однесува на руските хибридни закани“, изјави Макрон.

— реклама —

Германија претходно ја обвини Русија за обид за напад со дрон врз аеродромот во Лајпциг, што се случил во август.

Во меѓувреме, минатиот викенд беше регистриран и безбедносен инцидент во Украина. Руски дрон погодил воз што се движел непосредно зад колоната во која патувал поранешниот британски премиер Борис Џонсон.