Макрон им даде поддршка на Шпанија, Италија и Грција во борбата со пожарите

Францускиот претседател Емануел Макрон изрази солидарност со Шпанија, Италија, Грција и другите европски земји кои се соочуваат со големи шумски пожари.

— реклама —

Во објава на социјалната мрежа Икс, Макрон порача дека неговите мисли се со сите народи кои во моментов се борат со огнената стихија.

— реклама —

Осврнувајќи се на состојбата во Франција, тој истакна дека државата ќе продолжи да им помага на сите погодени подрачја и ќе биде присутна онолку долго колку што ќе биде потребно за обновата и санирањето на последиците.

— реклама —

Францускиот претседател им се заблагодари и на европските држави кои испратија помош за справување со пожарите во Франција, нагласувајќи дека токму во вакви моменти се гледа европската солидарност и заедништво.