Малолетничка на електричен тротинет тешко повредена по судир со автомобил во Прилеп

Шеснаесетгодишна малолетничка се здобила со тешки телесни повреди во сообраќајна несреќа што се случила во Прилеп, информираат од Министерството за внатрешни работи.

— реклама —

Според информациите, несреќата се случила на крстосницата од улиците „Прилепски бранители“ и „Пере Тошев“, каде што се судриле патничко возило „Фолксваген Пасат“ со прилепски регистарски ознаки, управувано од О.Б. (49) од Прилеп и електричен тротинет, управуван од 16-годишната девојка.

— реклама —

— реклама —

Во несреќата малолетничката се здобила со тешки телесни повреди, кои биле констатирани во Градската болница во Прилеп.

— реклама —

Увид на местото на несреќата извршила увидна екипа од ОВР Прилеп.