Малолетничка тешко повредена во несреќа со тротинет во Скопје

Во сообраќајна несреќа што се случила на 2 мај 2026 година во 14:55 часот на крстосница од улиците „Горно Лисиче“ и „Ѓорѓи Капчев“ во Скопје, тешко е повредена малолетничка, соопшти МВР.

— реклама —

— реклама —

Несреќата се случила помеѓу патничко возило „хјундаи“ со скопски регистарски ознаки, управувано од С.Ј. (55) од Скопје, и електричен тротинет „шаоми“, кој го управувала 14-годишна девојка од Скопје.

— реклама —

— реклама —

Малолетничката се здобила со тешки телесни повреди, кои биле констатирани во Комплексот клиники „Мајка Тереза“. По насока на јавен обвинител бил извршен увид од увидна екипа на СВР Скопје.